All Quotes

اس بات سے بچ جس میں معذرت کرنی پڑے۔

نرمی کے جو فوائد ہیں وہ سختی میں ہرگز حاصل نہیں ہو سکتے۔ جن لوگوں کے عقائد مذبذب ہوں ان سے نرمی برتی جائے تاکہ وہ ٹھیک ہو جائیں۔

اسلامی سن میں تاریخ کا آغاز غروبِ آفتاب سے غروبِ آفتاب تک ہے اور عقل سلیم بھی یہی گوارا کرتی ہے کہ ظلمت نور سے پہلے ہے

اسلامی مسائل سے جاہل ہونا بذات خود ایک گناہ ہے

پانی اللہ تعالیٰ کی بہت بڑی نعمت ہے جس سے قرآن عظیم میں جابجا بندوں پر احسان رکھا۔ حضور سرور دو عالم صلی اللہ علیہ وسلم نے کبھی کھانے پینے پہننے کی کوئی چیز کسی سے کبھی طلب نہ فرمائی مگر ٹھنڈا پانی دو بار طلب فرمایا

حدیث شریف میں ہے جب کسی کا دوسرے پر قرض ہو اور اس کی میعاد گزر جائے تو ہر روز اسی قدر روپیہ کی خیرات کا ثواب ملتا ہے جتنا قرض ہو

حدیث میں ارشاد فرمایا

اتقوا مواضع التہم

تہمت کی جگہوں سے بچو

رسول اللہ صلی اللہ علیہ وسلم نے فرمایا

فی کل کبد حراء اجر

ہر جاندار کی نفع رسانی میں ثواب ہے

کوئی شخص عاق ہونے کے سبب ترکہ سے محروم نہیں ہو سکتا

اے مسلمان! یہ مرتبہ ء جلیلہ اس جانِ محبوبیت کے سوا کسے میسرا آیا کہ قرآنِ عظیم نے انکے شہر کی قسم کھائی، انکے زمانے کی قسم کھائی، ان کی جان کی قسم کھائی، صلی اللہ تعالیٰ علیہ وسلم، ہاں اے مسلمان محبوبیتِ کبریٰ کے یہی معنی ہیں وہ ہے مرتبہ تجھ کو خدا نے دیا،نہ کسی کو ملے نہ کسی کو ملا کہ کلامِ مجید نے کھائی شہا، تیرے شہرو کلام و بقا کی قسم

دفتر تین ہیں، ایک دفتر میں سے اللہ تعالیٰ کچھ نہ بخشے گا اور ایک دفتر کی اللہ عزوجل کو کچھ پرواہ نہیں اور ایک دفتر میں سے اللہ تبارک و تعالیٰ کچھ نہ چھوڑے گا۔وہ دفتر جس میں سے اللہ عزوجل کچھ نہ بخشے گا دفترِ کفر ہے۔ اور وہ جس کی اللہ سبحنٰہ و تعالیٰ کو کچھ پرواہ نہیں وہ بندے کا اپنی جان پر ظلم کرنا ہے اپنے  اور اپنے رب کے معاملہ میں مثلا کسی دن کا روزہ ترک کیا یا کوئی نماز چھوڑی کہ اللہ تعالیٰ چاہے تو اسے معاف کر دے گا اور درگزر فرمائے گا اور وہ دفتر جس میں سے کچھ نہ چھوڑے گا وہ حقوق العباد ہیں اس کا حکم یہ ہے ضرور بدلا ہونا ہے

زوال تو سورج ڈھلنے کو کہتے ہیں یہ وقت وہ ہے کہ نماز کی ممانعت کا وقت ختم ہو گیا اور جواز کا وقت شروع ہو گیا تو نماز کے وقتِ ممانعت کو زوال کا وقت کہنا غلط ہےبلکہ اسے وقتِ استوا کہنا چاہئے یعنی نصف النہار کا وقت