احکام الہٰی کی دو قسمیں ہیں : تکوینیہ مثل احیاء واماتت وقضائے حاجت ودفع مصیبت وعطائے دولت ورزق ونعمت وفتح وشکست وغیرہا عالم کے بندوبست۔ دوسرے تشریعیہ کہ کسی فعل کو فرض یا حرام یا واجب یا مکروہ یا مستحب یامباح کردینا مسلمانوں کے سچے دین میں ا ن دونوں حکموں کی ایک ہی حالت ہے کہ غیر خدا کی طرف بروجہ ذاتی ,احکام تشریعی کی اسناد بھی شرک۔ قال اللہ تعالٰی ام لھم شرکاء شرعوالھم من الدین مالم یأذن بہ اللہ( القرآن الکریم ۴۲ /۲۱) اللہ تعالٰی نے فرمایا: کیا ان کے لیے خدا کی الوہیت میں کچھ شریک ہیں جنہوں نے ان کے واسطے دین میں اورراہیں نکال دی ہیں جن کا خدا نے انہیں حکم نہ دیا۔ اور بروجہ عطائی امور تکوین کی اسناد بھی شرک نہیں ۔ قال اللہ تعالٰی : فالمدبرات امرً ا(القرآن الکریم ۸۰ /۵)قسم ان مقبول بندوں کی جو کاروبارعالم کی تدبیر کرتے ہیں ۔فتاویٰ رضویہ جلد 30
امامِ اہلِ سنت اعلیٰ حضرت الشاہ احمد رضا خان علیہ الرحمۃ الرحمٰن کی اس بے مثال تحریر کا آسان اردو ترجمہ یہ ہے
- پہلی قسم ‘تکوینی احکام’ (یعنی کائنات کے نظام کے فیصلے): اس سے مراد دنیا کے نظام اور بندوبست چلانے کے احکام ہیں، جیسے زندگی اور موت دینا، لوگوں کی ضرورتیں پوری کرنا، مصیبتیں اور پریشانیاں دور کرنا، دولت، رزق اور نعمتیں عطا کرنا، اور جنگوں میں فتح یا شکست دینا وغیرہ۔
- دوسری قسم ‘تشریعی احکام’ (یعنی شریعت یا قانون کے فیصلے): اس سے مراد دین کے احکامات ہیں، جیسے کسی بھی کام کو فرض، حرام، واجب، مکروہ، مستحب یا مباح (جائز) قرار دینا۔
