اصل غذا انسان کی گوشت ہے، عناصر غذائے نباتات، نباتات غذائے حیوانات، حیوانات غذائے انسان، او ربیشک اس کے کھانوں میں جو منفعتیں اور ہمارے جسم کی اصلاحیں اور ہمارے قوٰی کی افزائش ہیں اس کے غیر سے حاصل نہیں، اور مرغوبی کی یہ کیفیت کہ ہر شخص اپنے وجدان سے جان سکتاہے کہ کیسا ہی لذیذ کھاناہو، چند روز متواتر کھانے سے طیبعت اس سے سیر ہوجاتی ہے اور زیادہ دن گزریں تو نفرت کرنے لگتی ہے بخلاف نان گندم وگوشت کہ عمر بھر کھائے تو اس سے تنفر نہیں ہوتا
فتاویٰ رضویہ جلد 14
امامِ اہلِ سنت اعلیٰ حضرت الشاہ احمد رضا خان علیہ الرحمۃ الرحمٰن کی اس بے مثال تحریر کا آسان اردو ترجمہ یہ ہے
انسان کی بنیادی خوراک: انسان کی سب سے بنیادی اور اصلی خوراک گوشت ہے۔ کائنات کا غذائی نظام کچھ اس طرح سے ہے کہ مٹی، پانی، دھوپ اور ہوا (عناصر) پودوں کی خوراک بنتے ہیں، پودے اور چارہ جانوروں کی خوراک بنتے ہیں، اور پھر یہ جانور انسانوں کی خوراک بنتے ہیں۔
گوشت کے فوائد: بلاشبہ گوشت کھانے میں بے شمار فائدے ہیں۔ اس سے ہمارے جسم کی بہترین نشوونما ہوتی ہے اور ہماری جسمانی طاقتوں میں جو زبردست اضافہ گوشت کھانے سے ہوتا ہے، وہ کسی اور خوراک سے حاصل نہیں ہو سکتا۔
روٹی اور گوشت کی خاصیت: انسانی پسند کا یہ عالم ہے، اور ہر شخص اپنے دل و دماغ سے یہ بات جانتا ہے کہ، کوئی بھی کھانا کتنا ہی لذیذ اور مزیدار کیوں نہ ہو، اگر اسے مسلسل چند دن کھایا جائے تو انسان کی طبیعت اس سے بھر جاتی ہے۔ اور اگر وہی کھانا زیادہ دنوں تک کھایا جائے تو انسان کو اس سے چڑ اور نفرت ہونے لگتی ہے۔ لیکن، گندم کی روٹی اور گوشت ایسی شاندار غذائیں ہیں کہ انسان اگر انہیں اپنی ساری عمر بھی روزانہ کھاتا رہے تو کبھی اس کی طبیعت ان سے بیزار نہیں ہوتی اور نہ ہی اسے ان سے نفرت ہوتی ہے۔
